Inspektorati i Prishtinës në aksion, konfiskon disa vetura të parkuara në trotuare

11:58 | 16 Prill 2024
E.K

Inspektorati i kryeqytetit ka njoftuar se sot në dy aksione të ndryshme, është bërë lirimi i hapësirave publike në trotuaret e kryeqytetit

Sipas njoftimit të inspektoratit, në rrugën Tirana janë larguar e konfiskuar disa vetura, të cilat hapësirat e gjelbra dhe trotuaret i kishin shndërruar në vendparkim ilegal të veturave private.

“Këto hapësira do të lirohen plotësisht për të mundësuar rigjelbërimin e asaj pjese nga ndërmarrja përgjegjëse e kryeqytetit,” thuhet në njoftim.

Ndërsa në aksionin tjetër, sipas njoftimit, në zonën qendër të kryeqytetit janë liruar hapësirat të cilat ishin bllokuar me pengesa të ndryshme nga disa qytetarë, pengesa të cilat kishin ngushtuar vendkalimet dhe pengonin qarkullimin e lirë të këmbësorëve në atë zonë./Arbresh.info

Shpërndaje në rrjete sociale

Lajmet më të lexuara

Të ngjashme

Foto lajm